Servania pipiliting maagaw ang titulo kay Valdez
MANILA, Philippines — Sa kanilang official weigh-in kahapon ay halatang kabado si Mexican world featherweight champion Oscar Valdez sa pagsagupa kay No. 4 Filipino contender Genesis Servania.
Aminado si Valdez na isang mapanganib na challenger ang 26-anyos na tubong Bacolod City.
“Servania is no walk in the park that’s for sure. He is ranked No. 4 in the WBO and he has that typical Filipino style -- he comes from different angles and it’s always going to be a hard fight,” ani Valdez kay Servania.
Pipilitin ni Servania na maagaw kay Valdez ang hawak nitong World Boxing Organization featherweight crown ngayon sa Convention Center sa Tucson, Arizona.
Tumimbang si Servania ng bigat na 125.4 pounds, habang 125.8 pounds naman ang sukat kay Valdez, naunang itinapat ni Bob Arum ng Top Rank Promotions kay dating world five-division champion Nonito ‘The Filipino Flash’ Donaire Jr. na tinanggihan ng huli.
Ito ang unang world title fight ni Servania at pursigidong agawin kay Valdez ang hawak nitong korona.
Dadalhin ni Servania sa ibabaw ng ring ang malinis na 29-0-0 win-loss-draw ring record na may 12KOs sa pagharap kay Valdez (22-0-0,19 KOs). (RC)
- Latest
