Pinay Spikers nagpapakita na ng improvement
Yassi Pressman
MANILA, Philippines - Ilang araw pa lamang sa kanilang pagsasanay, malaki na ang pagbabago ng Philippine women’s volleyball team matapos ang isang friendly match laban sa Okayama City Seagulls noong Sabado sa Okayama City, Japan.
Sa pangunguna ni 6’5 Jaja Santiago, ipinakita ng National team ang matikas na laro sa four-set exhibition match bago yumuko sa Japanese squad, 22-25, 14-25, 25-22, 20-25.
Umani si Santiago ng 20 atake at tatlong aces para sa 23 puntos habang si open spiker Alyssa Valdez ay tumipak din ng 15 atake at isang ace at isang block para sa kabuuang 17 puntos.
Ang playmaker na si Kim Fajardo ay bumanat din ng 40 excellent sets at mayroon pang isang atake at isang ace habang ang team captain na si Mika Reyes ay tumulong din ng apat na puntos.
“I like our progress in this early stretch of our training,” sabi ni head coach Francis Vicente pagkatapos ng laro na pinanood din ni Department of Foreign Affairs Sec. Alan Peter Cayetano, ang chairman ng organizing committee sa Asian Senior Women’s Championship sa Biñan City, Laguna at Muntinlupa City sa susunod na buwan.
“But we still have a lot to learn. We still have to perfect our blocking and floor defense as well as improve our composure in the crucial stretch of the match. There’s still room for improvement. We’re still a work in progress,” dagdag ni Vicente.
- Latest
