Pirates palaban ngayong Season 93
MANILA, Philippines - Pagkaraang tumapos sa ikatlong puwesto sa pre-season tourney, nagiging legitimate contender na ngayon ang Lyceum of the Philippines Pirates sa 93rd season ng National Collegiate Athletic Association (NCAA) seniors basketball tournament na magbubukas sa Hulyo 8 sa Mall of Asia Arena sa Pasay City.
Ang pinakamataas na puwesto na naabot ng Pirates sa loob ng anim na taong kampanya sa oldest collegiate league ng bansa ay sixth place noong season 89 sa 8-10 win-loss slate.
Ngunit sa paglipat ni CJ Perez mula sa Ateneo at pagpasok ng magkapatid na sina Jayvee at Jaycee Marcelino biglang bumulusok ang Pirates at sila ang ikalawang best finisher mula sa NCAA sa katatapos lamang na FilOil Fliyng V Premier Cup kung saan sila tumapos sila sa third place sa likuran ng champion San Beda Red Lions at runner-up De La Salle Green Archers.
“We all know we’re one of the smallest teams because we only have one legitimate big man in Mike Harry (Nzeusseu). But we have a system that puts premium on speed and aggressiveness to neutralize our size disadvantage,” ani Lyceum coach Topex Robinson.
Bukod kay Nzeusseu at sa twin brothers na Marcelino, sasandal din si Robinson kina team captain Jasper Ayaay, Rymar Caduyac, Wilson Baltazar, Edcor Marata, Ralph Tanchingco at San Sebastian transferee Spencer Pretta
Pero ayaw din ni Robinson na magkaroon ng pressure sa kanyang mga players na abutin talaga ang Final Four.
“Who wouldn’t want to play in the Final Four and win a championship. But we can’t get ahead of ourselves and drown ourselves with a glass of water. We have to keep working harder to achieve it,” ayon pa kay Robinson.
- Latest
