Kawalan ng kondisyon ni Pacquiao ikinatuwa ni Horn
MANILA, Philippines - Kung may taong natutuwa sa pagkainis ni chief trainer Freddie Roach sa kawalan ng kondisyon ni Filipino world eight-division champion Manny Pacquiao, ito ay si Jeff Horn.
“I’m hearing all the reports that Pacquiao looks terrible sparring and that’s great,” wika ni Horn sa panayam ng Fox Sports. “All along I think he has been underestimating me. His mates would have been telling him for weeks that I’m not in the class of the guys he’s beaten and I hope they keep telling him that.”
Tahimik na dumating sa Pilipinas si Roach noong Linggo para pangunahan ang pagsasanay ni Pacquiao ukol sa title defense nito kay Horn sa Hulyo 2 sa Brisbane, Australia.
Nadismaya si Roach nang maobserbahan ang ikinilos ng 38-anyos na si Pacquiao (59-6-2, 38 KOs) sa kanilang unang training session sa Elorde Gym sa Mall of Asia Arena sa Pasay City.
“We are far behind. Those five rounds of sparring were the worst I have seen him spar,” wika ni Roach.
Itataya ni Pacquiao ang kanyang suot na World Boxing Organization welterweight crown laban sa 29-anyos na si Horn (16-0-1, 11 KOs).
Tiniyak ni Horn na mahihirapan si Pacquiao na talunin siya.
“He probably thinks he’s coming to Brisbane to make an easy $10 million but he’s in for a shock,” paniniyak ni Horn, dating school teacher sa Brisbane.
- Latest
