Pinay booters silver sa AFF U15
MANILA, Philippines - Nagwakas ang apat na sunod na pananalasa ng Team Philippines matapos makalasap ng 2-6 pagyukod sa Thailand sa Asean Football Federation (AFF) U15 Girls’ Championship noong Sabado ng gabi sa KM16 Stadium sa Vientiane, Laos.
Dahil sa kabiguan ay nakuntento na lamang ang mga Pinay booters sa silver medal.
Nakadikit ang Nationals sa 2-3 agwat sa pagsisimula ng second half bago kumamada ng tatlong sunod na goals ang mga Thais na duplikahin ang kanilang pag-angkin sa gold medal laban sa Pilipinas sa nakaraang AFF U-14 Regionals (1-0).
Sa kabila ng kabiguan ay ipinagmalaki pa rin ni head coach Marielle Benitez ang kanyang tropa.
Tanging ang mga Pinay ang nakaiskor ng goal laban sa mga Thais sa kabuuan ng kompetisyon.
Unang umiskor ang Thailand sa ika-12 minuto mula sa goal ni Ploychompoo bago nakatabla ang mga Pinay sa likod ng iskor ni Myria Garcia.
Sumagot ng dalawang goals ang mga Thais mula kina Ploychompoo (ika-22 minuto) at Trinity Parascandola (ika-30 minuto) para kunin ang 3-1 bentahe.
Ang puntos ni Viviana Cera ang muling naglapit sa koponan sa 2-3.
- Latest