Soguilon sa Milo Junior Athletes; Zamora, Mojdeh Tony Siddayao awardees
MANILA, Philippines - Tatlong Philippine Swimming League (PSL) tankers ang gagawaran ng natatanging parangal sa prestihiyosong Philippine Sportswriters Association (PSA) Annual Awards Night na gaganapin ngayong gabi sa One Esplanade sa Pasay City.
Nangunguna sa listahan sina Swimmer of the Year top candidates Sean Terence Zamora ng University of Santo Tomas at Micaela Jasmine Mojdeh ng Immaculate Heart of Mary College-Parañaque na paparangalan ng Tony Siddayao-Outstanding Young Athlete awards.
Napili sina Zamora at Mojdeh matapos ang kanilang impresibong kampanya sa malalaking international tournaments noong 2015.
Humakot si Zamora ng 10 ginto sa Indian Ocean All-Star Challenge sa Perth, Australia; anim na ginto sa Convoy Stingray Invitational Swimming Championship sa Hong Kong; tatlong ginto at tatlong pilak sa 11th SICC Invitational Swim Meet sa Singapore; at dalawang ginto, isang pilak at isang tanso sa ASIJ Orcas Fall Classic Invitational Swimming Meet sa Tokyo, Japan.
Nagningning rin si Mojdeh na sumisid ng anim na ginto at isang pilak sa Indian Ocean All-Star Challenge sa Perth, Australia; apat na pilak at isang tanso sa Convoy Stingray Invitational Swimming Championship sa Hong Kong.
Humakot din si Mojdeh ng limang ginto at isang pilak sa 11th SICC Invitational Swim Meet sa Singapore; isang ginto at isang pilak sa 21st SSC Open Midget Meet sa Singapore at tatlong ginto at isang pilak sa ASIJ Orcas Fall Classic Invitational Swimming Meet sa Tokyo, Japan.
Nasungkit naman ni reigning PSL Female Swimmer of the Year Kyla Soguilon ng Aklan ang kanyang ikalawang Milo Junior Athlete of the Year award.
“PSL indeed is very happy that we have three PSA outstanding swimmers for the year for 2015. What a blessing. In just five years of existence, we were able to develop young athletes from grassroots level,” ani PSL President Susan Papa. “Their hard work plus good in character bring them to be outstanding athletes both in local and international competition.
- Latest
