Gilas si Douthit ang ipapalit kay Blatche sa Asian Games
MANILA, Philippines – Kung tuluyan nang hindi papayagan ng Incheon Asian Games Organizing Committee (IAGOC) na maglaro si naturalized player Andray Blatche para sa Pilipinas ay si Marcus Douthit ang maaaring ipalit ng Gilas Pilipinas.
Ang pangalan ni Douthit, ang unang naturalized player ng Gilas Pilipinas, ay isinama sa 19 players na isinumite ng Samahang Basketbol ng Pilipinas sa IAGOC para sa Asian Games sa Incheon, Korea.
Bukod kay Blatche, naglaro sa NBA para sa Washington Wizards at Brooklyn Nets, kinuwestiyon din ng IAGOC ang eligibility nina Gabe Norwood at Jared Dillinger.
Sinabi kahapon ni Philippine Sports Commission chairman Richie Garcia inaasahang magdedesisyon ang IAGOC hinggil sa kaso ng 6-foot-11 na si Blatche sa delegation registration meeting sa Setyembre 11-12 sa Incheon.
"Everybody is waiting kung ano ang magiging desisyon ng organizing committee sa Korea with regards to the eligibility of our naturalized players,” wika ni Garcia kina Blatche, Norwood at Dillinger.
Ipinaalam ng IAGOC sa Philippine Olympic Committee na hindi nila papayagang maglaro si Blatche dahil hindi nito naisilbi ang three-year residency rule.
“The OCA (Olympic Council of Asia) is in charge of the general rule, while FIBA is in charge of the technical rule of the game,” ani Garcia. “So FIBA should allow our naturalized players to play.”
Maliban kina Blatche, Norwood at Dillinger, ang iba pang miyembro ng Gilas Pilipinas na pinangalanan ni head coach Chot Reyes para sa Incheon Asiad ay sina Jayson Castro, Paul Lee, LA Tenorio, Jeff Chan, Gary David, Ranidel de Ocampo, Marc Pingris, Japeth Aguilar at June Mar Fajardo.
- Latest
