Pagpasok sa Pinas... Visa ipatupad din sa mga Kano-Rody
MANILA, Philippines - Binigyan diin ni Pangulong Rodrigo Duterte sa kanyang mensahe sa mga negosyante sa Beijing, China na nais nitong magpatupad ng visa requirements para sa mga Amerikano na gustong magtungo sa Pilipinas.
Ayon sa Pangulo, dapat ay maging patas lamang ang labanan dahil ang mga Pinoy na gustong magtungo sa US ay kailangan ng visa at dumadaan pa sa butas ng karayom para lamang makakuha nito.
Ikinuwento din ni Duterte ang masamang karanasan niya sa mga US immigration officers sa Los Angeles airport noong dumaan sila dito kasama ang ilang kongresista upang magtungo sa Brazil na kung anu-ano ang hinanap sa kanya ng immigration officer sa Los Angeles airport hanggang sa nais siyang i-detain nito dahil hinahanap pa ang kanyang authority to travel.
“So I said, if you detain me any further and if there’s a plane available going back to the Philippines now, I’d be happy to ride. That was the last time I went to America. Maybe sometime soon the Americans come to my country for business and all, including pedophilia,” kuwento pa ni Pangulong Duterte.
“And they come to my country sans a visa, they do not need it, they go there as if they own the place. Maybe thinking that it was only until now. If you are planning to go to my country, you get a visa from where you come from,” dagdag pa ni Duterte.
- Latest