Lola lasog sa kotse

MANILA, Philippines – Patay ang isang hindi nakikilalang matandang babae makaraang masagasaan ng isang kotse na minamaneho ng isang 70-anyos din na lola sa Quezon Avenue, Quezon City kahapon ng madaling-araw.

Ayon sa Quezon City Police District Sektor 1, wala silang nakuhang pagkakakilanlan sa biktima na sinasabing pagala-gala lang ito sa naturang lugar.

Kusa namang nag­pasalang sa imbestigasyon ang nakasaga­sang si Dalisay Ca­bu-gao, biyuda ng Rushmore St, Filinvest, Ba­tasan Hills, Quezon City. 

Sa pagsisiyasat ni SPO1 Jessie Flores, ng QCPD Traffic Sector 1 nangyari ang insi-dente dakong alas-4:20 ng madaling araw sa kahabaan ng Quezon Avenue partikular sa tapat ng QCPD Police Community Precinct ( PCP -3) malapit sa Fisher Mall.

Sinasabing minamaneho ni Lola Dalisay ang kanyang Honda City Sedan (XDM-597) at tinatahak ang nasabing lugar nang bigla umanong tumakbo ang biktima mula sa Center Island ng Quezon Ave­nue at biglang umupo, dahilan para hindi na makaiwas ng una at mabundol ito.

Nagpahayag naman ng kahandaan para tumulong ni Lola Dalisay sa sinumang kaanak ng biktima.