Ama, dedo sa nakaalitan ng mga anak

LEGAZPI CITY, Albay  , Philippines  —  Kamatayan ang sinapit ng mangingisda matapos itong pagtulungang saksakin ng nakaaway ng kanyang mga anak sa Sitio Gomang, Barangay Cota na Daco sa bayan ng Gubat, Sorsogon kamakalawa ng gabi. Napuruhan sa dibdib at namatay habang ginagamot sa Gubat District Hospital ang biktimang si Salvador Benitez habang pinaghahanap ng pulisya ang mga suspek na sina Samuel Rinono at Marwin Dongaban, kapwa residente ng nasabing barangay. Sa police report na nakarating sa Camp Simeon Ola, sa hindi pa malamang dahilan ay nakaaway ng mga anak na sina Billy Benitez at Bobby Benitez ang grupo ng mga suspek na sumugod sa kanilang bahay. Gayunman, lumabas ng bahay si Salvador para sana umawat pero sinaksak ito sa dibdib ni Rinono saka tumakas.