Hired killer todas sa shootout
LEGAZPI CITY, Albay, Philippines — Napatay ang isa sa dalawang hired killer makaraang makipagbarilan sa mga operatiba ng pulisya sa kahabaan ng Quezon Avenue sa Legazpi City, Albay noong Miyerkules ng hapon.
Napuruhan sa dibdib si Marlon Magsino ng Barangay San Andres, Malvar, Batangas habang ginagamot naman sa Bicol Regional Training and Teaching Hospital ang kasabwat na si Michael Beltran Malveda, 43, ng Brgy. San Lucas, Lipa City, Batangas.
Base sa police report na nakarating kay P/Supt. Nilo Berdin, hepe ng Legazpi City police station, niratrat nina Magsino at Malveda ang mga biktimang sina Alex Herman Alemania, 48, ng Barangay Panal, Tabaco City, Albay; at Anna Marie Querubin, 24, ng San Fernando City, Pampanga.
Gayunman, nakaligtas ang mga biktimang nasugatan na naisugod naman sa Albay Doctors Hospital.
Gayunman, habang papatakas sina Magsino at Malveda lulan ng motorsiklo ay nakasalubong ang rumespondeng si PO1 Alwyn Borja kung saan nauwi sa barilan hanggang sa mapatay si Magsino.
Narekober ang dalawang cal. 45 pistol, P10, 000 cash at ang motorsiklo (OW-7790) na gamit ng mga suspek.
- Latest