Ex-councilor na trader, itinumba

LEGAZPI CITY, Albay, Philippines - Napatay ang 65-anyos na negosyante na dating municipal councilor matapos itong pagbabarilin ng hindi kilalang lalaki sa pag-aaring gasolinahan sa Rizal Street, Brgy. Central sa bayan ng Donsol, Sorsogon kahapon ng umaga. Napuruhan sa dibdib ang biktimang si Vicente Bonaobra Basmayor ng nasabing barangay. Sa police report na nakarating sa Camp Simeon Ola, nakatayo ang biktima habang may kausap sa cellphone sa harap ng gasolinahan nang lapitan at pagbabarilin. Naglakad palayo sa crime scene ang gunman nang masigurong patay na ang biktima habang patuloy naman ang imbestigasyon.