Mag-amang suspek sa ex-tserman slay, tiklo

NORTH COTABATO , Philippines  - Arestado ang mag-amang suspek sa pagpatay sa dating barangay chairman sa hangganan ng Barangay Marang, Barira at Brgy. Gumagadong Calawag sa bayan ng Parang, Maguindanao kahapon ng hapon. Kinilala ni P/Chief Insp. Erwin Tabora ang mag-amang suspek na sina Maguid Baudting Sarodsong, 43; at Habib Hasim Sarodsong, 23, mga nakatira sa Brgy. Marang. Napag-alamang matagal nang may nakabinbing warrant of arrest ang mag-ama sa kasong murder with frustrated murder noon pang 2008. Naaresto ang mag-ama ng pinagsanib na pwersa ng Parang PNP, Barira PNP, at Army’s 37th Infantry Battalion kung saan nasamsam ang cal. 45 pistol at mga bala.  Ayon kay Tabora, ang mag-ama ay itinuturong suspek sa pagpatay kay Ferdinand Arnold Molina, 51, dating chairman ng Brgy. Gumagadong Calawag at residente ng Barangay Poblacion –Uno.