Mag-ama nabundol ng SUV, 1 patay!
TAGKAWAYAN, QUEZON , Philippines- Patay agad ang isang rider habang malubhang nasugatan ang kanyang anak matapos na mabangga ang kanilang sinasakyang motorsiklo ng kasalubong na SUV sa Quirino Highway, sakop ng Brgy. San Vicente, ng lalawigan kamakalawa ng umaga.
Nagtamo ng grabeng pinsala sa ulo at katawan ang biktimang si Roger Rul, 62, ng Quezon City habang nilalapatan ng lunas sa Tagkawayan District Hospital ang anak nitong si Rogelio Rul, 27, dahil sa tinamong mga sugat sa katawan.
Ayon sa ulat, patungo sa Maynila ang mag-amang biktima sakay ng isang motorsiklo dakong alas-7:50 ng umaga nang mabangga sila ng Bicol bound Mitsubishi Pajero ( EDC -954) na minamaneho ni Wigberto Patulot sa kurbadang bahagi ng daan.
Nahaharap sa kasong reckless imprudence resulting in homicide and serious physical injuries and damage to property ang tsuper ng SUV na nakapiit sa municipal jail.
- Latest
