3 peddler tumba sa bakbakan
NORTH COTABATO, Philippines – Bumulagta ang tatlong tulak-droga makaraang makipagbarilan sa mga operatiba ng pulisya sa inilatag na checkpoint sa kahabaan ng highway sa Barangay Overview, bayan ng Liloy, Zamboanga Del Norte kahapon. Sa ulat ng police regional office (PRO-9), nakatanggap ng impormasyon ang tropa ng 1st Maneuvering Company ng Regional Public Safety Battalion kaugnay sa tatlong drug pushers na lulan ng kotse (VBL541) patungong bayan ng Ipil sa Zamboanga Sibugay mula sa Dipolog City. Kaagad na inilatag ang PNP checkpoint sa pangunguna ni P/Senior Insp. Etorne subalit hindi huminto ang kotse ng tatlo bagkus ay pinagbabaril pa ang mga bantay na pulis na nauwi sa shootout. Napatay naman ang tatlo na kasalukuyang inaalam ang pagkakakilanlan.
- Latest