Ambush: Mag-ama, 1 pa bulagta
NORTH COTABATO, Philippines – Tatlo-katao ang napatay makaraang tambangan ng hindi kilalang lalaki sa bahagi ng Barangay Satan sa bayan ng Shariff Aguak, Maguindanao kahapon ng tanghali.
Ayon kay P/Inspector Razul Pandulo ng Maguindanao PPO, kinilala ang mga biktima na sina Engr. Landap Pigkaulan Guinaid, 46; Anwar Lauban Guinaid, 26; anak ni Landap at si Samaon Guiamlod Pigkaulan, 52, civilian escort ng mag-ama habang sugatan naman si Pfc. Abduladzis Lauban Guinaid, 25, anak din ni Landap.
Batay sa ulat ng pulisya, magkakasama ang mga biktima galing SUV pick-up (LGK 539) nang tambangan bandang alas-12:48 ng tanghali.
Kahit sugatan ay nagawang magtungo ng driver ng SUV na si Anwar sa himpilan ng pulisya sa bayan ng Guindolungan para humingi ng tulong.
Kaagad namang isinugod sa Cotabato Regional and Medical Center subalit namatay ang mga biktima habang ginagamot. Dagdag ulat ni Joy Cantos
- Latest
