Drayber na pusher, nilikida
NORTH COTABATO, Philippines – Pinaniniwalaang onsehan sa droga ang isa sa motibo kaya niratrat at napatay ang 36-anyos na traysikad driver ng hindi kilalang lalaki sa panibagong karahasang naganap sa Mantawil Extension, Barangay Poblacion sa bayan ng Kabacan, North Cotabato kahapon ng umaga. Napuruhan sa baba ang biktimang si Doreks Manalo “Andore” Inta, may asawa at nakatira sa nasabing lugar. Sa police report na nakarating kay P/Senior Inspector Ronnie Cordero, hepe ng Kabacan PNP, nakaupo lamang ang biktima sa kanyang trisikad na nakaparada sa nasabing kalsada nang lapitan at pagbabarilin ng di-pa nakilalang gunman. Napag-alaman pa na ang biktima ay kasama sa drug watchlist ng Kabacan PNP kung saan pinatay ito ng kanyang kabarong pusher dahil sa onsehan.
- Latest