2 katao pinugutan ng ulo
MANILA, Philippines - Dalawa katao ang pinugutan ng ulo kabilang ang isang lolo na binaril at ibinaon pa ang bangkay sa putikan sa magkakahiwalay na insidente sa lalawigan ng Nueva Vizcaya at Masbate kamakalawa.
Sa ulat ni Sr. Inspector Orlando Galapon, Officer in Charge ng Sta. Fe, Nueva Vizcaya ang matandang si Jaime Delmas, 64-anyos ay pinagbabaril muna bago pinugutan ng ulo sa Brgy. Canabuan sa kanilang bayan.
Kinilala din ang suspek na si Juanito Natalac, residente rin sa nasabing lugar at kaalitan umano ng biktima dahil sa hangganan ng lupa.
Nadiskubre naman ng ilang kapitbahay ang walang ulo na bangkay ng biktima kung saan nakita na lamang ang ulo nito na nakabaon sa putikan 15 metro ang layo sa katawan.
Agad naman na nahuli ang suspek matapos ang pagsisiyasat ng pulisya at makuha ang ilang mga kagamitan na nagdidiin sa suspek.
Sa isa pang insidente, pinagtataga naman saka pinugutan rin ng ulo ang 28-anyos na magsasakang si Nilo Manlapas, residente ng Brgy. Panique, Aroroy, Masbate.
Ang bangkay ng biktima ay natagpuan sa isang palayan na pag-aari ni Marciano Baylon. Samantalang tinangay rin ng mga salarin ang motorsiklo ng biktima. Victor Martin/Francis Elevado
- Latest
