300 saf sa Bilibid muling papalitan
MANILA, Philippines — Tatanggalin na ang 300 miyembro ng Philippine National Police -Special Action Force (PNP-SAF) na nagbabantay sa compound ng National Bilibid Prisons (NBP) sa Muntinlupa City.
Ito ang unang direktiba ni PNP Chief P/Director General Ronald “Bato” dela Rosa na sa bagong hirang na pinuno ng PNP-SAF na si P/Director Noli Taliño na epektibong umupo noong Huwebes matapos ang balasahan sa 12 heneral ng PNP.
Ang hakbang ay upang hindi maging pamilyar ang mga naka-duty na mga SAF personnels sa NBP upang maiwasan na masangkot ang mga ito sa korapsyon at gayundin sa illegal drug trade sa piitan.
Magugunita na noong Hulyo 2016 ang mga jailguards na nakabantay sa nasabing piitan ay pinalitan ni Dela Rosa ng 320 SAF personnels kasunod naman ng pagkakadiskubre na nakipagsabwatan ang mga tiwaling bantay sa mga drug lords at tuloy ang transaksyon ng droga sa nasabing bilibid.
At noong Hulyo 2017 ay muli ring tinanggal ang mga nakabantay ditong SAF personnels na pinalitan ng mahigit 300 bagong mga contingents mula sa naturang elite forces.
- Latest
