2 todas sa pamamaril sa Taguig

MANILA, Philippines — Natagpuang patay ang dalawang lalaki matapos na pagbabarilin ng mga hindi pa nakilalang salarin sa isang madilim na bahagi ng isang barangay na kilala sa problema sa iligal na droga sa Taguig City kamakalawa ng gabi.

Isa sa mga nasawi ay nakilalang si Lyndon Trinidad, 29, habang patuloy pang kinikilala ang isa pang biktima na nakasuot ng itim na t-shirt at short pants at tinatayang nasa pagitan ng edad 25-30 taong gulang.

Sa ulat ng Taguig City Police, pasado alas-11:00 ng gabi nang makarinig ang mga residente nang magkakasunod na putok ng baril sa may kanto ng Road 6 at Maguindanao St.,Brgy. New Lower Bicutan.

Pinuntahan ng mga residente ang pinanggalingan ng mga putok at dito ay tumambad ang bangkay ng dalawang lalaki.