Landslide: 2 patay
MANILA, Philippines — Nasawi ang dalawang katao habang apat ang nasugatan sa naganap na landslide sa isang komunidad malapit sa ilog ng Brgy, Capitol, Cebu City kamakalawa ng gabi.
Ang mga nasawi ay kinilalang sina Elpidio Heraga, 64; at Juvelyn Salipa, 31, na kapwa nabalutan ng putik nang marekober ng mga search and rescue team. Habang ang mga nasugatan ay sina Felicito Sanio at tatlong bata.
Batay sa ulat ng Office of Civil Defense (OCD) Region 7, bandang alas- 8:45 ng gabi nang maganap ang landslide na tumabon sa tahanan ng mga biktima sa tabing ilog ng Guadalupe River, Sitio Lower Ponce, Brgy Capitol Site ng lungsod.
Inilikas naman ang 18 katao kabilang ang 10 menor de edad na naninirahan sa nasabing lugar dahilan sa posible pang panganib.
Naganap ang landslide sanhi ng malalakas na pag-ulan sa lugar kung saan lumambot ang lupa dito na tumabon sa mga biktima.
- Latest