Nokor hindi muna magpapakawala ng missile attack sa Guam
MANILA, Philippines - Sinuspinde muna ng North Korea ang plano nilang missile attack sa Guam.
Ito ang sinabi ni Pyongyang leader Kim Jong Un, dahil sa titignan muna nila ang magiging aksyon ng Estados Unidos bago magdesisyon kung itutuloy na nito ang missile attack.
Magugunita na naunang inihayag ng Nokor army na plano nilang magpalipad ng 4 missile patungo sa Guam ngayong Agosto 15 at hinihintay na lamang ng Nokor army ang go signal ng kanilang lider para pakawalan ang missile na target ang US territory sa Pacific region.
Nasa blue alert naman ang consulate ng Pilipinas sa Guam at may nakahandang contingency plan ang consulate ng Pilipinas bilang paghahanda sakaling ituloy ng Nokor ang kanilang missile attack.
Pinayuhan naman ni DFA Sec. Alan Peter Cayetano ang mahigit 40,000 na Pinoy sa Guam na magdasal at maging handa sa nasabing banta.
- Latest
