Brgy. Tserman pinatay sa harap ng misis
MANILA, Philippines - Pinasok ng dalawang lalaking gunman ang bahay ng isang barangay chairman at pinagbabaril sa harap ng kanyang misis kamakalawa sa Brgy. Patag, Irosin, Sorsogon.
Namatay noon din dahil sa mga tama ng bala sa iba’t ibang bahagi ng katawan si Bernardo Lerio, chairman ng nasabing barangay.
Batay sa ulat, dakong ala-1:00 ng hapon ay nagpapahinga ang biktima sa loob ng bahay kasama ang misis nang dumating ang dalawang lalaki at kumatok sa pinto.
Lumabas ang misis at tanungin kung ano ang kailangan ay sinabi ng dalawa na gusto nilang makausap ang biktima.
Pinapasok umano ng misis ang dalawang suspek at nang makita ang biktima na papalabas ng bahay ay pinagbabaril ito.
- Latest