De Lima hindi magre-resign

MANILA, Philippines - “Hindi ako magbibitiw sa puwesto at walang nangyaring kasunduan sa pagitan  ng gobyerno at ng  Iglesia Ni  Cristo (INC)”. Ito ang naging pahayag ni Justice Secretary Leila De Lima dahil hindi pa siya 100% sigurado na sasali sa senatorial race at walang dahilan para siya bumaba sa puwesto.

Sinabi din ng kalihim na walang deal na naganap sa pagitan ng mga nagraling miyembro ng INC at ng pamahalaan matapos na kusang kumalas sa rally ang mga  kasapi ng INC noong Lunes na nagsimula noong Huwebes ng hapon sa harap ng DOJ sa Padre Faura.

Naging maingat si De Lima sa pagbibigay ng komento sa isyu ng  INC dahil sa pangambang hindi maintindihan ang kanyang pahayag at siya ay ma-misquote.

Matatandaan na  nagsagawa ng protesta ang INC matapos na magsampa ng kasong sa DOJ ang  itiniwalag na ministro ng  INC na si Isaias Samson Jr.,kung saan sinasabi na  suportado ni De Lima.