P12.9-B lump sum budget ng DILG kinuwestiyon
MANILA, Philippines – Bakit naglaan ang gobyerno ng P12.9 bilyon lump sum para sa Department of Interior and Local Government (DILG) na gagamitin para sa water supply at housing projects ng mga mahihirap?
Ito ang katanungan ni Senator Ferdinand “Bongbong” Marcos dahil anya sa ilalim ng local government code, may kapangyarihan ang DILG na i-supervise ang mga local government units pero hindi ang magtayo ng bahay o mag-manage ng mga housing projects para sa mga informal settlers.
Wala aniyang technical expertise sa nasabing bagay ang DILG at responsibilidad na ito ng National Housing Authority.
Bukod dito kinuwestiyon din ni Marcos kung saan ginamit ng DILG ang bilyun-bilyon pisong pondo para sa mga low cost housing projects noong 2014.
Iginiit din ni Marcos na ang pagtatayo ng mga housing units ay nasa kapangyarihan ng NHA, ang pagbuo naman ng mga water supply ay nasa ilalim na Local Water Utilities Administration (LWUA) o ang Department of Public Works and Highways (DPWH).
- Latest
