Pang-akit ng magandang kapalaran

MANILA, Philippines — Kung mahilig magbasa ng iyong kapalaran sa ating Tarot-gabay ni Madam Rosa na regular na makikita sa itaas na bahagi ng pahinang ito, may iba’t ibang paraan upang maakit ang suwerte o magandang kapalaran.

Maaakit ang suwerte o magandang kapalaran sa pamamagitan ng aura cleansing, oracion meditaion at feng shui.

Ang aura ay di nakikitang field of ener­gy na pinaniniwalaang nakapalibot sa isang tao o bagay.

Ang aura ng isang tao ay laging nag-i-interact sa energy ng ibang tao. ‘Di malayong makakuha ng negative energies mula sa ibang tao kaya kailangan ng aura cleansing.

Dahil sa mga foreign energies ay maaaaring maapektuhan ang balance ng ating energy field at maaaring ma-block ang natural flow of energy.

May iba’t ibang paraan ng aura clean­sing na tatalakayin natin sa susunod na linggo.

Isang paraan din para makaakit ng magagandang bagay ay ang oracion meditation sa pamamagitan ng pagbigkas ng mga positibong dasal habang nagme-meditate.

Ang feng shui naman ay ang ancient art at science na nagsimula, 3,000 taon na ang nakakaraan sa China. Ito ay complex body of knowledge na nagtuturo kung paano ibalanse ang energies sa bawat lugar o parte ng bahay, opisina, garden at iba pa para masiguro ang magandang kapalaran para sa mga namamalagi sa mga lugar na ito.