Myrtle itinanggi ang naging relasyon kina Yves at Kit

Todo-suporta si Ms. Aileen Choi-Go, Megasoft Vice-President for Marketing, sa kanilang brand ambassador ng Sisters Sanitary Napkins na si Myrtle Sarrosa. Muling pumirma ng two-year contract as endorser si Myrtle na kaga-graduate lamang bilang cum laude sa Broadcast Communications sa University of the Philippines. Nagawa iyon ni Myrtle kahit busy rin siya sa ilang projects sa ABS-CBN.

Hindi na nagtanong si Myrtle kung bakit hindi siya nabibigyan ng lead role ng kanyang network, dahil na-realize raw niyang may kani-kanyang path na inihahanda sa bawat isa. Hindi raw naman siya nawawalan ng work sa ABS-CBN. Katatapos lamang niyang mag-appear sa La Luna Sangre na isa siyang lady vampire. May dalawa rin siyang ginagawang movie ngayon sa Regal Films.

Loveless si Myrtle since ng break-up nila ni Brian Poe Llamanzares, anak ni Senator Grace Poe Llamanzares. May mga eni-entertain daw siyang non-showbiz guys pero wala pa siyang boyfriend pero kahit wala, masaya raw naman ang puso niya dahil natutupad ang mga dreams niya, isa nga iyong nakatapos na siya ng pag-aaral with honors. Nilinaw din ni Myrtle na hindi totoong naging boyfriend niya si Yves Flores na kasama rin niya sa PBB noon. Nasa ligawan stage raw sila pero hindi ito natuloy. Hindi rin totoo na naging sila ni Kit Thompson.

Masipag mag-ikot si Myrtle sa iba’t ibang public schools sa bansa to give recognition sa outstanding students at magsalita tungkol sa menstrual hygienic management awareness sa tulong ng Sisters Sanitary Napkin. Inangkin na ito ni Myrtle na isang advocacy. Sa September 16, nasa Cebu si Myrtle ng10:00 am sa Megasoft Warehouse in Mandaue City at mapapanood ito sa Facebook live together with Kristof.  Bibisita rin siya sa Gaisano Grand Dumanjug Activity Center for a meet and greet at 4:00pm bago ang show niya sa Gaisano Grand Moalboal Activity Center Mall show at 6:00 p.m.

Xander may ibang nararamdaman kay Alden

Na-meet ng personal ng mga Korean actors na sina Alexander “Xander” Lee at Kim Jung Wook (David Kim), ang mga Kapuso Stars nang mag-promote sila sa Sunday PinaSaya ng kanilang first romantic-comedy series na My Korean Jagiya. 

Sa rehearsal pa lamang ay nag-enjoy na sila nang ma-meet ang ibang cast ng variety show at si Pambansang Bae Alden Richards ay nakapagpa-picture pa na tinuruan nila ng Korean heart sign.

Pinost agad ito ni Xander sa kanyang Instagram account at umani agad ng maraming likes lalo na sa caption niya na: “Some @gmanetwork staffs said Alden and I have a similar vibe. (Probably some hot nice vibe LOL). What about just like the drama The Half Sisters, we make one called The Half Brothers? Can I play @theatolentino Thea’s role? So I can finally unleash my inner evil.” (Napanood kaya ni Xander ang The Half Sisters?)

Meanwhile, mauunang bumalik ng Korea si David dahil tapos na ang mga eksena niyang kinunan dito. Matagal-tagal naman na magti-taping dito si Xander dahil dito rin magsisimula ang love story nila ni Gia (Heart Evangelista). Hindi kami magtataka kung maggi-guest pa rin si Xander sa ibang shows ng GMA habang narito siya.