Art na gawa sa bigas tampok sa Matanglawin

MANILA, Philippines - Hindi pa tapos ang tag-init para kay Barbie Imperial ng GirlTrends, na sasabak sa isang adventure sa tubig sa darating na Linggo (May28), 10am sa Matanglawin sa ABS-CBN.

Abangan kung makasabay ang dating Pinoy Big Brother housemate sa paglangoy kasama ang asong si Sheldon, na sanay na sanay sa pagsisid sa malalim.

Bilang panghuling pasabog sa tag-init, dadalhin din tayo ni Kuya Kim Atienza sa isang “artventure” kasama ang Digmaang Salinlahi artist na si Jon Zamar, na iguguhit pa ang award-winning educational host. 

Pagkatapos nito, naggagandahang mosaic naman gawa sa bigas ang ipapakita sa programa na itatampok din ang “mahiwagang” sangkap ng sumisikat na black yoghurt at lemonade.

Panoorin ang lahat ng iyan sa Matanglawin, ngayong Linggo, 10am sa ABS-CBN at ABS-CBN HD at DZMM TeleRadyo sa Martes ng 2pm. Manood online sa iwantv.com.ph o skyondemand.com.ph.