Gretchen nag-alburoto sa ‘old-looking’ comment
Gretchen Barretto
Patola (pumatol) si Gretchen Barretto sa komento ng isang netizen na “old-looking” ang damit niyang floral-inspired. Sa isang video sa kanyang Instagram account, pinakita ni Greta ang kanyang walk-in closet na tinawag niyang “happy room.”
“My love for detail & fabric. Welcome to my Happy Room, my walk-in closet, part of my Top 15 or so pieces this season,” caption ni Gretchen sa video.
Isang netizen ang umalisputa sa post ni Gretchen. Hindi ‘yon pinaligtas ng dating aktres kahit binura na ang post. Nakuhanan kasi ‘yon at nailabas sa isang blogsite.
“@99murmer if you know your BRANDS WELL, you will know what this collection is. Lol if you check your brands, you will know that your advice is…
“@99murmer I was not at all offended…I was cringing when you suggested for me to check @dolce&gabbana. This post is the 2017 collection.
“@99murmer FYU D&G & dolce & gabbana is one & the same.
“@99murmer FYI all that you mentioned happen to be TOP BRANDS,” sunud-sunod na buwelta ni Greta.
Naku, you don’t mess with La Greta, huh!
Celebs bumuhos ang dasal para sa Marawi
Abala sa pagti-training si Senator Manny Pacquiao kaya wala siya sa picture nang magkaroon ng gulo sa Marawi City nu’ng Martes.
Eh, sa Mindanao ang General Santos City na bayan ni Sen. Pacquaio. Sakop ito ng deklarasyon ng Martial Law ni President Digong Duterte.
Siyempre, malapit sa puso ng senador ang naninirahan sa Mindanao. Kaya naman inaabangan din kung ano ang tulong na maibibigay niya sa mga kababayan.
Kung si P-Digong, iniksian ang biyahe sa Russia, malamang na sumunod na rin si Sen. Manny na nasa Australia ngayon, huh!
Sa gulo sa Marawi, bumuhos ang dasal sa maraming celebrities para sa naturang probinsiya at mga naninirahan doon.
Marian rumaraket na naman sa bulaklak
Nakapaglaan ng oras si Marian Rivera para sa negosyo niyang Flora Vida by Marian. Matapos bumuhos ang orders sa soft opening ng negosyo, nagbakasyon muna ang pamilya niya sa Europe.
Ngayong back to normal na si Yan Yan, todo gawa na naman siya ng bagong arrangement na pinu-post niya sa kanyang Instagram account. Meron na rin siyang ginawang Flora Vida box at thank you card.
Eh once simulan na ni Yan ang series niyang The Good Teacher, medyo pirmis muna siya sa business niya. Pero ika nga, pag gusto, may paraan ‘di ba?
- Latest
