Chris may coverage ng binyag ng anak

MANILA, Philippines - Ipinagmalaki ni Chris Tiu ang baby niyang si Amanda nang binyagan ito sa isang simbahan sa Makati kamakailan lang.

Ito ang unang supling ni Chris at bilang Catholic ay proud niyang ipinost ito.

Si Happy Ongpauco na anak ni Liberty Ilagan ang namahala sa mga pagkain na inihanda para sa reception pagkatapos ng binyagan. Si Happy ay asawa ng isa sa mga tiyuhin ni Chris kaya sobra ang pasasalamat ni Chris dito.

Tuluy-tuloy pa rin ang programa ni Chris na I Bilib na isang Science program tuwing Linggo ng umaga sa GMA.

Michael V may problema sa mga empleyado

Proud si (Pepito) Michael V. dahil nominado ang kanyang kumpanya sa isang prestigious business award.

Pero may problema, ang mga empleyado niya ay tamad magtrabaho, nakakahiya!

Nang ibalik ni Pepito ang “Employee of the Year” award, na-excite lahat, kaya lang parang masipag lang sila ‘pag kaharap si Pepito. Naisipan tuloy ni Pepito na mag-disguise para malaman kung sino ang totoong masipag sa kanyang mga empleyado. Problemado rin siya dahil baka mapahiya siya sa kanyang mayabang na kakumpetensiya

Ngayong Sabado tumutok sa Pepito Manaloto, pagkatapos ng 24 Oras Weekend sa GMA7.