Dennis si Jennylyn na ang gustong pakasalan!

First time ni Dennis Trillo na makatrabaho si Anne Curtis sa pelikulang Bakit Lahat ng Gwapo may Boyfriend ng Viva Films and Idea First Company directed by Jun Lana.

Nag-first shooting day na sila last Thursday at ang nakakatuwa, kissing scene agad nila ang kinunan kaya aminado ang aktor na medyo nailang siya.

At nairaos naman daw nila ang eksena at nagtatawanan pa nga raw sila dahil nakakatawa raw ang scene.

“Kasi ‘yung eksena kanina, kailangan niyang umungol nang malakas habang naghahalikan kami.

“And awkward nga naman, naghahalikan kayo tapos bigla kang uungol nang malakas, tapos maraming tao du’n sa simbahan, parang ganu’n yung eksena,” kwento ni Dennis.

Wedding rehearsal ang kinunan kasi that day na ginanap sa St. Vincent Seminary sa Tandang Sora. Kaya naman natanong din si Dennis kung in real life ba ay nakikita na niya ang sarili niya ikakasal na rin.

“Naiisip din naman, napi-picture ko rin ‘yung sarili ko riyan sa mga eksenang ginagawa namin, tulad ng ganito, wedding scene, wedding rehearsals, pero hanggang du’n lang. Para at least lang, may idea ako.

“Pero ‘yung gawin ko siya sa totoong buhay, parang hindi pa. Hindi pa siguro anytime soon. Hindi naman sa malayo pa. Pero bigla mo na lang kasing mararamdaman ‘yun. Siguro ngayon, hindi pa dahil focus pa ako sa work, sa kung anu-ano pang mga bagay, kaya hindi pa siguro,” saad ng aktor.

Marrying type of guy naman daw siya pero hindi siya naniniwala sa marrying age dahil wala naman daw sa edad kung gusto mo nang mag-asawa talaga.

Nakita na ba niya ang babaeng pakakasalan?

“Palagay ko,” sambit ni Dennis. “Ewan ko lang, ayoko ring magsalita ng tapos, pero masaya lang kami.”

Sexy ba siya?

“Dapat sexy siya. At saka magaling magluto,” sagot ni Dennis na tila nasak­yan agad ang gusto naming tumbukin.

Bukod sa sexy, may cooking show at best actress ‘di ba?

Natawa ang aktor habang panay ang sabi ng “oo”.

It’s clear by now na ang tinutukoy namin ay si Jennylyn Mercado na rumored girlfriend niya. Hindi pa ba talaga nila napag-uusapan ang kasal?

“Wala, hindi pa, eh. Marami pa kaming kailangang asikasuhin sa buhay-buhay namin. Pero darating din ‘yun, hindi lang namin pinupuwersa, hindi lang namin minamadali.

“I think it would come naturally kung talagang akma na ‘yung panahon.”

Anne ayaw pa ring pakasal pero pinakamatagal ang relasyon kay Erwan!

Syempre, nakatsikahan din namin si Anne Curtis at kinumpirma nga niyang tawa siya nang tawa sa kissing scene nila ni Dennis.

“Basta, nakakatawa siya, tawang-tawa ako,” say ni Anne.

Nailang ba siya?

“Oo, pinagpapawisan ako kasi nakakatawa siya. ‘Yung bang paano akong hindi tatawa dito?’ Pero habang tumatagal, okay na. Pero ‘yung very first, ‘yun ‘yung parang ‘oh my God!’”

Ang kwento ng pelikula ay tungkol sa isang babaeng mahilig ma-in-love sa closet gay at sey ni Anne, first time raw niyang gumawa ng ganitong klaseng pelikula.

Dahil may eksena nga sa movie na ikakasal sila ni Dennis, natanong din si Anne kung kelan naman siya pakakasal in real life sa boyfriend niyang si Erwan Heussaff.

“Siguro 3 years,” natatawa niyang sabi. “We’ll see, kasi when you get married, everything changes in your career, but it will come, pero hindi naman three years, pero more or less, we both have an understanding,” dagdag niya.

Pero kung si Anne ang tatanungin, sigurado na siyang si Erwan na ang “the one” for her dahil hindi naman daw sila siguro magtatagal kung hindi.

“Officially, we’re 6 years na, un-official kasi ‘yung dating din kasama na.  First time ko ka­sing mag-long term, pinakamatagal ko dati, 3 years.  Kaya ang saya,” she said.

Actually, bihirang tumanggap ng movie pro­ject si Anne dahil nga naka-focus siya sa It’s Showtime na daily noontime show niya. Pati nga teleserye ay hindi rin niya magawa at gusto niya ay pa-guest-guest lang tulad ng ginawa niya sa FPJ’s Ang Probinsyano ni Coco Martin.

Pero tinanggap niya agad-agad ang Bakit Lahat ng Gwapo May Boyfriend dahil gustung-gusto raw niya ang script at first time niya to be working with Dennis and Paolo Ballesteros.

“Na-excite ako. I can feel the chemistry. I’m excited to see how it comes out on screen,” say pa ni Anne.

Bakit Lahat ng Gwapo May Boyfriend will be shown sometime in October.