Milyonaryong panadero, ibabahagi ang tagumpay sa kaibigang nakaratay
MANILA, Philippines - Grade four lang ang natapos ni Demetrio “Metring” Cuevas, ngunit dahil sa kanyang pagsusumikap ay nakapagbukas siya ng kanyang sariling tindahan, ang Cuevas Bakery na ngayon ay may 28 branches na.
Bukas (Agosto 20) sa My Puhunan, ibabahagi ni Karen Davila ang kwento ng tagumpay ni Metring, na mula sa pagtatanim ng palay sa Batangas ay lumuwas ng Maynila upang magtrabaho bilang tagapaglako ng pandesal.
Milyonaryo na si Metring ngayon, ngunit sa kabila nito ay hindi niya kinakalimutan ang kanyang pinagmulan. Sa My Puhunan, tutulungan niya ang kanyang dating kaibigang si Luis na ngayo’y nakaratay na dahil sa tuberculosis.
Sabay na naglako ng tinapay sina Metring at Luis at sabay din silang nangarap na magtagumpay. Ngunit nagkahiwalay sila ng landas. Habang nagsikap at nagtipid si Metring upang makapagbukas ng sarili niyang panaderia, si Luis naman ay nakapag-kolehiyo at naging empleyado ngunit nahilig sa pambababae at pag-inom ng alak. Ano nga ba ang sorpresa ni Metring kay Luis?
- Latest