Banyaga tiklo sa 140 ecstacy tablets
MANILA, Philippines - Naaresto ng mga operatiba ng PNP-Drug Enforcement Group (DEG) at Philippine Drug Enforcement Agency (PDEA) ang isang Korean-American at nasamsam ang 140 tableta ng ecstacy sa isang operasyon sa Pasay City kamakalawa ng gabi.
Kinilala ni PNP-DEG Director P/Sr. Supt. Graciano Mijares ang nasakoteng suspect na si Jun No alyas “Justine “ , isang American citizen na may dugong Koreano.
Batay sa ulat, bandang alas- 9:20 ng gabi nang masakote ang suspek ng mga otoridad sa parking lot ng Royal Indian Curry House sa kahabaan ng Seaside Boulevard, MOA Complex “He could be a part of a bigger group as to HVT (High Value Target) he is a foreign national yung volume ng distribution niya can be bigger from what we have confiscated”, ani Mijares.
Kasalukuyan na rin inaalam kung sinu-sino ang mga posibleng kasabwat sa sindikato ng nasabing dayuhan at kung may kaugnayan ito sa pagkalat ng party drug sa nakalipas na ‘Close up Forever Summer concert sa MOA Arena sa Pasay City noong Mayo 2016 na kumitil ng buhay ng lima katao.
- Latest
