Palasyo binawi ang imbitasyon kay Leni sa New Year's toast

MANILA, Philippines — Matapos imbitahin ay binawi ng Malacañang ang imbitasyon nila kay Bise Presidente Leni Robredo para dumalo sa kauna-unahang vin d’honneur ni Pangulong Rodrigo Duterte.

Sinabi ng tagapagsalalita ni Robredo na si Georgina Hernandez na nakatanggap ang Office of the Vice President ng imbitasyon mula sa Palasyo noong Disyembre 28.

"On January 4, Malacañang called the Office to retract the invitation, stating that the guest list was limited," sabi ni Hernandez.

Nakasanayang gawin ng mga dating pangulo ang vin d'honneur sa unang araw ng taon ngunit ipinagpaliban ito ni Duterte ng ilang araw upang makapagpahinga.

Nagsasama-sama sa vin d’honneur ang matataas na opisyal ng gobyerno sa Malacañan upang salubungin ang bagong taon.

Sa isinagawang vin d'honneur ay nangako si Duterte na ipagpapatuloy pa rin ang kampanya laban sa ilegal na droga.