2 senglot na magkaangkas sa motor driver tigok, backrider sugatan

TUGUEGARAO CITY, Cagayan , Philippines -- Sumalubong kay kamatayan ang isang 22-anyos na seaman habang sugatan ang kanyang kaibigan matapos mahulog sa irigasyon ang sinasakyang motorsiklo sa Provincial road ng Brgy. Bagong Tanza, Aurora, Isabela noong Huwebes ng hatinggabi.

Kinilala ni Supt . Manuel Bringas, Chief Investigator ng Isabela PNP na pauwi galing sa isang laklakan ang nasawi na si Kevin Juan at angkas nitong si Joselito Dela Cruz, 19, nang mawalan ito ng kontrol sa sasakyan at nagtuloy-tuloy sa irigasyon.

Isinugod ng mga sumaklolo ang magkaibigan sa isang pribadong Hospital sa  Cauayan City kung saan nalagutan ng hi­ninga si Juan habang ginagamot.