Juday gidid-an nga mutungha

Wala tugti ni Alfie Lorenzo ang iyang 'alaga" nga si Judy Ann Santos nga mo-eskuyla og Culinary Arts o bisan unsang self-improvement courses didto sa Amerika. Ang katarungan ni Alfie ngadto sa iyang alaga mao nga, "You have all the time in the world to study whatever you want pag' di ka na busy".

Nasayran sa PangMasa nga dugay na diay nga plano ni Juday nga motungha diin laraw usab niya nga mag-leave of absence sa iyang career.

Iyang giklaro nga wala siya tudloi sa iyang uyab nga si Ryan Agoncillo kalabot niini tungod kay iya kining kaugalingon nga desisyon.

Apan lagi kay wala man siya tugti sa iyang manager, wala unay angayan nga ikabalaka ang iyang mga fans sanglit makita pa siya kanunay sa "Sa Piling Mo" ug sa "Komiks" matag karon ug unya.

Gawas kang Juday, ang umaabot nga mga episodes sa Komiks mao ang Lightning Roda ni Angelika de la Cruz, Momay Maja Salvador, Babaeng Pusa ni Aubrey Miles, Valentina ni Jodi Santamaria-Lacson ingon man sila si Kristine Hermosa ug Diether Ocampo alang sa Bahay Ng Lagim.

Launching movie ni Sarah isunod

Human sa kalampusan sa pilot episode sa Bituing Walang Ningning, hayan ang Dear Heart ni Sharon Cuneta kaniadto maoy mamahimong launching movie ni Sarah Geronimo ubos sa Viva Films.

"Naku panibagong honor po 'yan para sa akin. Hindi ko na po alam kung ano pang puwede kong sabihin sa mga nangyayari sa career ko, sobra-sobrang blessing na po ito," pasiunang pamahayag ni Sarah ngadto sa PangMasa.

"Very thankful po ako sa Diyos at binigyan niya ako ng chance na mai-share ang talent ko. Salamat talaga po sa lahat ng tulong n'yo," dugang pa ni Sarah.

Suma pa nga mihataw ang rating sa Bituing Walang Ningning, niadtong Lunes samtang nangangkon usab ang GMA-7 nga maayo usab ang rating sa "I Love New York" sa time slot niini.

Sa singing usab mao pay pagbalik nila ni Sarah dinhi sa nasud gikan sa malampuson nga concert tour didto sa Canada kauban sila si Rachelle Ann Go, Mark Bautista ug Raymond.

Gawas niini nakadaug usab siya isip "Most Promising Female Singer sa Box Office King and Queen sa Guillermo Mendoza Memorial Award.

Nagpatong patong ang mga trabaho karon ni Sarah apan wala siyay reklamo niini. "Parati ko pong iniisip na imbes na mag-complain dahil kaliwa't kanan ang trabaho, dapat pa akong magpasalamat. Iilan ang nabibigyan ng ganitong chance.

"Pero siyempre, tao rin lang naman po ako kaya minsan nakakaramdam din ako ng pagod. I'm okey po. Masaya po ako sa ginagawa ko," pagtapos pa niya.