Love Story
Dear Banat News,
Hello sa tanang readers sa Banat News. Tawga lang ko sa pangalan nga John, 28 years old ug nagtrabaho sa usa ka pharmacy.
Happy ra ko karon sa among relasyon sa akong girlfriend nga si KC.
Nagkaila mi tungod ra pud sa akong bestfriend nga silingan ra pud ni KC.
Nagka-jam mi og kadaghan maong nagka-developay ra mi. Nagsige nami og uban sa mga laag, apan dugay gyud ko nakapansin niya.
Nakakuha ra siya sa akong atensyon sa dihang nanglaag mi sa Busay, sa pagsige nako og tutok niya, molutaw man ang iyang ka-cute uy.
Kikay ug cute si KC, unya buotan pa gyud kaayo, maong nahulog gyud ang akong kasingkasing kaniya.
Sa dihang ni-aksyon ko og panguyab niya, na-basted kay naa na man diay siya’y uyab uy.
Sakita lagi sa akong kasingkasing pero wala ko’y mahimo dapat dawaton gyud nako ang kamatuoran.
Wala man gud siya nagsaba-saba nga naa siya’y uyab kay private daw siya nga pagkatawo.
Bisan pa man nga nabasted ko, nagpasalamat lang gihapon ko kay wala gyud naguba ang among friendship.
Human sa tulo ka tuig isip managhigala, nagbuwag sila si KC ug iyang uyab kay nakakita og laing girl.
Ako ang perming tig-comfort niya pero wala gyud ko nagpahimulos sa higayon bisan pa man nga duna ko’y feelings niya.
Gibuhat ra nako ang tanan aron dali siya nga maka-move on, pero wala jud ko modiskarte aron dili makaingon nga gi-grab nako ang opportunity.
Naabot gyud ang time nga naka-move on na siya, didto ko nagsugod og balik sa pagparamdam niya.
Ako lang gihinay-gihinay para dili pud siya makalitan. Wala ko kaantos nangutana jud ko niya kun duna pa ba koy tsansa.
Nakugang ko sa iyang tubag kay niana siya nga dili ko lisod higugmaon ug niana siya nga hatagan nako siya og time para makahunahuna sa iyang tubag.
Ana siya nga duna na daw siya’y feelings nako pero ako siya hatagan og usa ka buwan para iyaha gyud seguraduon o pamalandungan kun tinuod ba gyud ang iyang feelings dinhi nako.
Pag-abot og usa ka buwan ako siya gi-follow-up ug lipay kay ko kay iyaha na gyud ko nga gisugot.
Iyaha kong gi-basted kaniadto ug wala nako damha nga maabot ra gyud diay ang panahon nga ako siyang maangkon. Mo-request lang ko sa lyrics sa Closer You And I by Gino Padilla.
Hi John! Thank you so much sa imong LOVE STORY! Paabuta ugma puhon ang imong request
Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate aron matarong og basa.
Mahimo sab nga pinaagi sa snail mail. Ang atong address mao kini:
Love Story C/o Banat News
- Latest