Pislat ta’g ilong uy!

Di ba adunay kanta: tayo’y mga Pinoy, tayo’y hindi kano, ang ilong natin ay pango”?  Pwes, nganong big deal man gyud kaayo karong mga panahona nga dili maayo mu-english atong pambato sa Miss Universe pageant nga si Maxine Medina? Nakalimot ta nga dili man tawon ta mga Amerkano no uy, dili iningles atong pag-uha paggawas nato sa sabakan sa atong inahan niadtong gihimugso ta niya. And this has something to do with our idolatry of everything imported! Pakkk!

Abi kay maayo mu-English bright na? Abi kay abroad atong mga ginikanan ug uban pang kabanay dato na? Abi kay ma-uton, maldita na? Abi kay mestiza ug mestizo, gwapa ug gwapo na? Abi kay itom bati na’g nawong? We are so taphaw and we should change this mentality now!  Di ba, kun imported atong mga gamit kay manghambog dayon ta, we are so proud and we are so feeler? Dili mana maayo uy. We should love our own. We should support our own.

Last Friday, nag-trending tong post nga “brainless” kuno si Maxine ug dili deserving nga maoy pambato sa nasud alang sa giisip nga labing dako nga pageant sa planeta. Excuse me? Yes, excuse me! English ra diay basehanan aron ma-rayna? Nganong dili man lagi mudaog ang pambato sa America ug uban pang pambato sa mga nasud nga English ang pinulungan?  Nganong mudaog man ang mga latina kanunay lagi nga dili mana sila maayo mu-English? And yes, nganong nidaog man silang Gloria Diaz, Margie Moran ug Pia Wurtzbach isip Miss Universe nga wala mana sila nagdako sa Amerika Pakkk!

Excuse me again! Mag-unsa manang maayo ka mu-English kun walay unod imong gitabi? Pareha ra na sa singing contest, nga kawang ang imong pagka biritira kun wala'y ma-feel ang naminaw sa imong kanta.  Makatawa bitaw ko kanang maka-judge ko og pageant or makalingkod ko as judge sa screening committee for a pageant. Naa gyuy mga kandidata nga tuyok-tuyok ang tubag sa pangutana, maghangos ta maminaw uy kay taas kaayo unya diay to walay unod or wala kaigo sa punto! It’s all because we are made to believe nga bright ka kun maayo ka mu-English, which is all so wrong. Kay mag-unsa man lagi nang slangards kay ka, ersh ersh kaayo mu-iningles unya perte diay mabawa if not wala gyuy unod imong giyawit?

Besides, gone are the days nga beauty pageant-- kaning mga dagko gyud ha—is based on beauty and brain lang. Beauty pageants nowadays are more on who has the heart to serve, the passion and sincerity to wear the crown with all humility. It’s all about the prettiness of the inside.And also, mu-matter sab imong attitude karon uy. Kay ngano man? Usa baya ka ka tuig nga mutrabaho for the organization, you implement the programs, you are the ambassadress of the pageant. Ug attitude problem ka, gamay ka’g tsansa nga makuronahan uy kay aduna nay gibug-aton imong gipakita nga taras atol sa pre-pageant events. Mu-feedback baya nang mga yaya (P.A.) unsay imong batasan and maka-feel na sila whether you are faking it or not. So dili ta maghilas-hilas og saway ni Maxine uy kay lagi dili siya maayo mu-English. Kun dili 500 inyong IQ, dai, ayaw ko’g labda. Well, as to the question kun makahatag ba siya nato’g back-to-back win, that’s another story and deserves a separate discussion.  Ang ako lang gyud now is dili ta maghilashilas kay pislat nga dako atong mga ilong! Pakkk!