Munting bayani pararangalan ng Mission Possible
MANILA, Philippines – Isang munting bayani ang pararangalan ng Mission Possible ngayong Lunes (November 21) sa kanilang Paskong Parangal. Makakasama ni Julius Babao si Dwayne, isang boy scout na kinalimutan ang takot sa tubig upang maisalba ang kaibigan mula sa pagkalunod. Takot lumangoy si Dwayne lalo na kapag hindi kasama ang kanyang ina ngunit nang muntikang malunod ang kanyang kaibigan na si Jasper, hindi siya nag-atubiling tumalon at buong tapang na lumusong upang sagipin ang kanyang kaibigan. Dahil sa pangyayaring iyon, nalabanan rin ni Dwayne ang kanyang takot sa tubig, ngunit may panibagong pagsubok siyang hinaharap ngayon matapos ma-stroke ang kanyang ina.
Paano kaya matutulungan ni Julius ngayong Pasko ang pamilya ng ating munting bayani? Kilalanin si Dwayne, ang bagong Paskong Parangal awardee sa Mission Possible ngayong Lunes (November 21) sa ganap na 9:30 p.m. sa DZMM Teleradyo sa SKYCable ch. 26 at ABS-CBN TVplus, pagkatapos ng Bandila sa ABS-CBN at ABS-CBN HD (SKYCable ch 167).
Maaari ring mapanood ang episode sa iwantv.com.ph oskyondemand.com.ph para sa mga Sky subscribers.
- Latest
