Osaka Asian Film Festival Iza napili nga Best Actress
CEBU, Philippines - Midaog isip Best Actress ang Kapamilya actress nga si Iza Calzado sa bag-o lang natapos nga 2017 Osaka Asian Film Festival.
Kini alang sa iyang performance sa pyscho-thriller film nga Bliss ubos sa direksyon ni Jerrold Tarrog.
Personal nga gidawat sa 34 anyos nga aktres ang Yakushi Pearl Award atol sa awarding ceremony niadtong Sabado sa ABC Hall sa Osaka, Japan.
Gipahinungod ni Iza ang iyahang kalampusan ngadto sa nipanaw niya nga ginikanan nga sila si Lito Calzado ug Maria Antonia Ussher.
Laing Filipino films nga nalakip sa maong film festival mao ang Sigrid Adnrea Bernardo's Kita Kita nga gibidahan nila ni Empoy ug Alessandra de Rossi. Nisalmot usab ang Tisay nila ni Nathalie Hart ug JC de Vera.
- Latest