Negosyante nilikida

COTABATO CITY, Philippines - Patay ang isang negosyante ma­karaang pagbabarilin ng di pa nakikilalang gunman sa Poblacion, Libungan, North Cotabato kamakalawa ng gabi.  Ang biktima ay si Bik Minungka Pananggalang, 35-anyos, may asawa at residente ng nasabing lugar.  Sinabi ni Libungan Police chief, Insp. Anecito Acabo Jr. na naka-upo lamang si Pananggalang sa payong-payong sa tapat ng kanyang establisimyento nang lapitan ng suspek at agad na pinagbabaril dakong alas-7 ng gabi.

Naisugod pa siya sa ospital pero hindi na umabot pang buhay.  Nagtamo ng mga tama ng bala sa ulo at iba pang bahagi ng katawan ang biktima mula sa cal. 45 pistol.