Tambag sa amigo

CEBU, Philippines - Nakasabot matud pa ang aktor nga si Kiko Estrada sa gidangatan karon sa amigo niining si Diego Loyzaga. Sigun pa ni Kiko, may katungod si Diego nga mopagawas sa iyahang gibati apan iyaha kining gitambagan nga dili na lang unta ipaagi sa social media ang kaligutgot niya sa iyang amahan nga si Cesar Montano. “He has the right to feel what he feels. Ang sa akin lang naman siguro, as a friend, ia-advice ko siya na huwag yun ilabas sa social media.”

Walang Hanggan

Gipagawas na sa Warner Music Philippines ang official music video sa newest single ni Jose “Quest” Villanueva III nga “Walang Hanggan.” Ang maong awit gisuwat  mismo ni Quest ug ang arranger mao sila si Kahlil Refuerzo ug ang  Sugbuanon nga si John Apura. Ang maong music video ubos sa direksyon ni James Muleta sa Stronghold MNL diin makita ang Kapuso star nga si Louise delos Reyes.

Nauyonan ang cover

Daghan ang nakauyon sa cover ni RnB artist Kris Lawrence sa awit ni Bruno Mars  nga ‘Versace on the Floor’. Unang giawit sa singer ang maong cover sulod sa Wish 107.5 Bus. Ang video nahimong instant hit diin niabot og 800,000 ka views sulod lang sa tulo ka adlaw.

Ellen gitubag  ang bashers

Gitubag sa sexy star nga si Ellen Adarna ang tanang bashers human siya giingnan nga "basag" o "sabog" nunot sa nikatap nga video nila sa ex-boyfriend niini nga si Baste Duterte diin nipakita nga hubog ang duha ug nanigarilyo si Baste. Matud pa sa aktres nga wala’y problema sa pagkasabog ug pagkabasag kay bisan ang mga artists ug musicians kay basag usab sama sa normal nga tawo. “Most artist and musicians basag din at may topak. Kahit normal na tao nagpapa-basag din at normal lang din yan,”paghot pa ni Ellen.

For the first time

Mipakita ang Pinoy Big Brother Lucky Season 7 og live drama nga giulohan nila og “Titig ng Pag-ibig” nga gibidahan sa  walo ka nahabiling housemates . Ubos kini sa  direksyon ni Rory Quintos. Giisip kini nga usa ka dakong hagit sa housemates kay matud pa gamay ra sila og panahon para pagbansay sa ilang mga linya ug pag-arte. Mao kini ang labing unang higayon sa Philippine television history nga adunay gipasalida nga live drama diin walay “cut” ug “take two.”

Long-time crush

Giangkon sa Kapamilya heartthrob nga si Paul Salas nga long-time crush niya sa showbiz ang rapper/actress nga si Donnalyn Bartolome. Si Paul ug Donnalyn magpares sa upcoming rom-com movie sa Viva Films nga “Happy Break-Up”  nga ubos sa direksyon ni Roe Pajemma.

Nagkasuod sa inahan

Gibutyag sa aktres nga si Janella Salvador nga hinay-hinay na nga nagkasuod ang iyahang inahan nga si Jenine Desiderio ug love team partner niini nga si Elmo Magalona. . “My mom is also getting to know Elmo really well and she’s starting to get close to him din. And, we’re always together kasi we go to church and sometimes, we eat out.”

Yassi mihimakak

Giisip sa bag-ong Kapamilya star nga si Yassi Pressman nga usa ka dakong dungog alang ang niya ang hungihong nga matud pa siya ang modala sa papel nga Darna alang sa movie version niini sa  Star Cinema. Matud pa ni Yassi nga dili tinuod ang maong report ug wala pa sad siya nadawat nga offer kalabot sa maong proyekto.

Mibalibad sa offer

Giangkon sa Kapuso hunk actor nga si Addy Raj nga malakip diay unta siya  kaniadto sa Star Cinema movie nga  Beauty and the Bestie apan wala nadayon human mas gipili niya ang commercial shoot kaysa sa maong pelikula. Giangkon sa aktor nga si kanhi direk Wenn Deramas ang nakadiskubre kaniya sa Facebook ug misaad nga tanyagan na lang siya og laing role apan wala nadayon human nipanaw ang direktor. "I apologized to him and he said, he'll give me a role in his next movie, but sadly, he passed away."

Libro ni Pokwang

Gikatakdang ipagawas sunod semana ang kaugalingon nga cookbook sa komedyanteng si Pokwang ubos sa ABS-CBN Publishing nga nag-ulohan og "Patikim, Pokie." Kini gikumpirma sa aktres gamit ang Instagram account niini. Napatik sa maong libro ang paboritong recipe sa komedyante ug mga "hugot" remarks niini.  

Ai-Ai nominado sa Queens World Film Fest sa NY

Nominado ang Comedy Queen  nga si  Ai-Ai delas Alas alang sa  Best Female Actor sa Narrative Feature Category gumikan sa pelikula niya nga  Area sa 7th Queens World Film Festival nga ipahigayon karong Marso didto sa New York City, USA.

Ang Queens World Film Fest ipahigayon karong Marso 14 hangtod 19 diin ipasalida niini ang 100 ka  entries nga gilangkuban sa nagkalain-laing kategoriya  sama sa narrative films, documentaries ug animated movies nga nagikan sa nagkalain-laing dapit sa  kalibutan.

Gawas sa Sunday Pinasaya host, nominado usab isip Best Director in the Narrative Feature category ang direktor sa susamang pelikula nga si Louie Ignacio.

Nagpabuhagay si Ai-Ai sa iyang pasalamat gamit ang Instagram account niini.

"Maraming salamat Ferdinand Lapuz sa napakagandang balitang ito sa isang lunes ng umaga .. ang ma nominate sa isang international filmfestival awards ay napalaking bagay para sa akin ... congratulations sa aming magaling na direktor na si dirctor loui ignacio ... congrats saten direk .. TO GOD BE THE GLORY -- maraming salamat LORD SA LAHAT NG BLESSING NA ITO #queensworldfilmfestival," post pa sa komedyanteng aktres.

Kahinumduman nga una nang gibutyag sa aktres nga usa ka “dream come true” alang kaniya ang pagdala sa maong role kun diin gidala niya ang papel isip tiguwang nga prostitute nga nangita sa iyahang long-lost son.

Sa miaging tuig, laing Pinoy film  mahitungod sa sex workers nga taga Pampanga nakadawat usab og Special Jury Prize sa 12th Eurasia International Film Festival.  (Junas Dungog Flores)

Roxanne mibalik sa ABS-CBN

Hingpit na nga nibalik sa tugkaran sa Kapamilya network ang Viva artist nga si Roxanne Barcelo human sa siyam ka tuig nga nawala sa ABS-CBN.

Modala isip Natalie ang aktres sa early primetime series nga Wildflower kauban sila si Maja Salvador, RK Bagatsing, Vin Abrenica ug Joseph Marco.

Malipayon ug mapasalamaton ang aktres sa  tanang nisuporta kaniya ug misaad nga tagbawon ang mga fans sa bag-ong papel nga pagadal-on niya sa seryeng Wildflower .

Nasayran nga nahimong aktibo nga artista si Roxanne sa GMA-7  kaniado.

"So happy to share with all of you that I will be playing the role of "Natalie" in ABS-CBN's Wild Flower. Sa lahat ng nagbigay sa akin ng pagkakataong ito, salamat sa tiwala. Gagalingan ko po... mga Kapamilya. @vivaartistsagency" post pa sa aktres sa social media. (BANAT NEWS)