Pangingidnap ng Abu Sayyaf, nasilat
MANILA, Philippines - Nabigo ang mga bandidong Abu Sayyaf Group (ASG) sa gagawin sanang pagkidnap sa isang sasakyang pandagat na kanilang hinarang matapos na sila ay masilat ng mga elemento ng Philippine Navy sa karagatan ng Tawi-Tawi, kamakalawa.
Sa ulat ni Rear Admiral Rene Medina Commander ng Naval Forces Western Mindanao, dahilan sa mabilis na pagreresponde ng kaniyang mga tauhan na nagsasagawa ng maritime patrol ay naitaboy ang limang armadong bandido na sakay ng speed boat.
Ayon sa opisyal, tinangka ng mga bandido na atakehin ang M/V Dong Hae Star upang dumukot ng panibagong mabibihag ng mga ito.
Nabatid na ang Panamian flag ship M/V Dong Hae Star ay patungong Sulu Sea galing sa China patungong Indonesia nang harangin ng mga bandido na lulan ng kulay itim na speedboats.
- Latest