Parusa itaas sa testigong nagsisinungaling
MANILA, Philippines - Dahil sa paglutang ng dating pulis na si SPO3 Arthur Lascañas at bumaligtad sa nauna niyang testimonya sa Senado ay isinulong ni Kabayan Rep. Harry Roque ang isang panukalang batas na nagtataas sa parusa sa mga nagsisinungaling na testigo sa Kongreso.
Sa House Bill 5112 itinataas sa anim hanggang walong taon ang kulong ng sinumang mapapatunayang testigo na nagsisinungaling sa Kongreso.
Anya, masyadong mababa ang kasalukuyang parusa sa ganitong paglabag na anim na buwan at isang araw lamang na kulong at maaari pang mag probation kaya lalabas na wala rin itong kulong.
Kailangang managot ang mga nagsisinungaling sa kanilang mga proseso sa Mababa at Mataas na kapulungan ng kongreso dahil hindi maaaring tetestigo sa kanila subalit lantaran naman ang pagbaluktot ng katotohanan.
Matatandaan na si Lascanas ay dating nagdeklara na walang Davao Death Squad o DDS bilang pagbulaan sa testimony ni Edgar Matubato, subalit noong Lunes ay binawi nito ang naunang testimonya sa Senado sa pamamagitan ng public confession na totoo ang DDS at ang paggamit dito ni Pangulong Duterte sa mga insider ng pagpatay.
- Latest
