Vhong sa ere planong mag-propose!
Biglang na-pressure si Vhong Navarro sa planong back-to-back na pagpapakasal ng itinuturing niyang kapatid na sina Anne Curtis at Billy Crawford kaya naman hindi maiiwasan na kulitin si Vhong kung kailan siya magpaplanong magpakasal.
Wala namang inggit si Vhong kina Anne at Billy dahil happy siya sa desisyon ng dalawa. Masaya siya na matutupad ang pangarap nina Anne at Coleen Garcia na makasal soon. Bilib din si Vhong kina Billy at Erwan Heussaff na alam niyang malaki ang haharaping responsibilidad sa kanilang pag-aasawa.
Aminado si Vhong sa isang interview na sigurado na siya na darating sila ng kanyang nobyang si Tanya sa ganoong level. Naghihintay lang ng tamang timing si Vhong. Nagkataon lang daw na may dapat muna siyang asikasuhing bagay.
Promise ni Vhong na mag-iisip siya ng sarili niyang style kung anong pasabog ang gagawin niya sa pagpu-propose. Para raw kakaiba kahit pa para lang sa kanilang dalawang magdyowa ang ganung moment.
Nagbiro pa si Vhong na baka skydiving ang maisip niyang gimik para walang katulad ang gagawin niyang proposal sa longtime GF.
- Latest
