Rider tigok sa trailer truck

MANILA, Philippines – Nasawi ang isang motorcycle rider na kinilalang si Calixto Graella, nasa hustong gulang, nang mabangga sa  isang trailer truck habang nagmamaneho ng motorsiklo kahapon ng madaling araw sa bayan ng Teresa, Rizal.

Batay sa ulat, dakong alas-12:30 ng madaling araw ay bumibiyahe ang biktima pauwi sa kanilang bahay sa Teresa, nang mabangga ng isang trailer truck pagsapit sa Sumulong Avenue, Barangay Bagumbayan.

Sa lakas nang pagkasalpok ay agad nasawi ang biktima matapos na magtamo ng matinding pinsala sa kanyang ulo at katawan.

Ang driver ng truck na kinilalang si Paterno Rafanan Jr., ng Twin MK Import and Export Corp., ay nakatakdang sampahan ng kaukulang kaso.