Pusher arestado sa P14.8-M shabu

MANILA, Philippines – Arestado ang 53-anyos na sinasabing big time drug pusher  makaraang makumpiskahan ng P 14.8 milyong halaga ng shabu  sa isinagawang drug bust operation sa Barangay Pasil, Cebu City sa Cebu kahapon ng madaling araw. Nakatakdang kasuhan ang suspek na si Melchor Ocarol, nasa drug watch list ng pulisya bilang high-value target at kapatid ni dating Barangay Pasil Chairman Romeo Ocarol. Sa ulat ng Cebu City PNP na nakarating sa Camp Crame, bandang alas-2 ng madaling araw nang  magsagawa ng operasyon ang Cebu City Police Office laban sa suspek. Narekober mula sa bahay ni Ocarol na nagsisilbing drug den ang mga plastic na naglalaman ng shabu na tumitimbang ng 1,255 kilo na nagkakahalaga ng P14.809.000 milyon. Samantala, wala ring inirekomendang piyansa ang korte para sa pansamantalang kalayaan ng suspek.