6 years kulong sa tsismosa!
MANILA, Philippines - Babala sa mga tsismoso at tsimosa!
Umusad na sa Senado ang panukalang batas na naglalayong amiyendahan ang Article 364 o “Intriguing Against Honor” ng Revised Penal Code upang maitaas sa P50,000 ang multa sa nasabing krimen o parusang pagkakulong ng hindi bababa sa anim na buwan hanggang anim na taon.
Ayon kay Senator Loren Legarda, awtor ng panukala, hindi na napapanahon ang parusa sa mga tsismoso at tsismosa o naninira ng reputasyon ng ibang tao dahil sa kasalukuyan P200 lamang ang multang nakalaan sa mga ito at pagkabilanggo na mula isa hanggang 30 araw.
“Intriguing against honor is committed by any person who intrigues another for the principal purpose of blemishing his or her honor or reputation,” sabi ni Legarda sa kaniyang panukala na nakalusot na sa Senate Committee on Justice and Human Rights at Constitutional Amendments, Revision of Codes and Laws.
Nakapaloob din sa panukala ang pagtataas ng parusa sa mga taong nagsasangkot sa mga inosenteng individual sa isang krimen o “incriminatory machination” na nakaloob sa Article 363 ng Revised Penal Code.
Nais ni Legarda na itaas ang parusa ng ‘incriminatory machination’ sa prison mayor o pagkabilanggo ng mula anim na buwan hanggang 12 taon ang kasalukuyang parusa na arresto mayor o pagkabilanggo lamang ng anim na isang araw hanggang anim na buwan.
“By its nature, incriminatory machinations refer to acts done for mere vexing, harassing or injuring one’s adversary and which tend to directly cause false prosecution. The present penalties imposed by the law are not commensurate to the injury or damage caused to the victim of false prosecution and intrigue. There is therefore a need to punish wi th greater severity individuals who are found guilty of incriminatory machinations,”paliwanag ni Legarda.
- Latest
- Trending
