DOH nag-inspeksyon sa mga ospital sa Metro Manila
Ipinakita ni Health Usec. Gerardo Bayudo kasama si UST cardiologist Marcel Ramirez ang isang bone cutter na kabilang sa mga surgical tools na ginamit sa mga biktima ng mga paputok sa isinagawang “Iwas Paputok” campaign at hospital rounds na pinangunahan ng Department of Health sa UST Hospital bilang paghahanda sa selebrasyon ng darating na Bagong Taon, 2018. Edd Gumban
MANILA, Philippines — Upang mas mapaigting ang kampanyang “Oplan Iwas Paputok”, ay nagsimula nang bisitahin at inspeksyunin ng Department of Health ang mga ospital sa Metro Manila upang tikayakin ang kani-kanilang kahandaan para sa nalalapit na Bagong Taon kung saan marami pa rin ang nagiging biktima ng mga paputok.
Unang binisita ng mga opisyal ng DOH ang Rizal Medical Center sa Pasig na susundan ng pagtungo sa Quirino Medical Center sa Quezon City at saka didiretso sa UST Hospital.
Inanunsyo ng DOH na target nila ngayong taon ang zero o mas maliit na bilang ng casualties o injuries na dulot ng paputok.
Aniya, may mga designated na lugar na maaaring pagdausan ng pagpapaputok upang mas ligtas ang publiko.
Maaari namang gunitain ang Pasko at Bagong Taon nang payapa at mas mabuting isapuso ang okasyon.
Matatandaang nagpalabas ng Executive Order 28 si Pangulong Rodrigo Duterte na kumokontrol sa paggamit ng mga paputok sa pagsalubong sa Pasko at Bagong Taon.
- Latest
