Paglikha ng LGBTcommission sinuportahan
MANILA, Philippines — Nagpahayag ng pagsuporta kahapon ni Senator Bam Aquino sa pahayag ni Pangulong Rodrigo Duterte na nais nitong magkaroon ng komisyon para sa lesbian, gay, bisexual, at transgender (LGBT)
Sinabi ni Aquino na may iba’t iba namang minority groups sa bansa kaya maaaring pag-aralan o tingnan ang komisyon para sa mga LGBT.
Ayon pa kay Aquino noong 16th Congress ay isinulong rin niya ang reporma sa anti-discrimination bill para maisama hindi lamang ang LGBT kung hindi para rin sa religion at mga social economic class.
“Ako ang inuna ko kasi noong 16th congress, to start this reform with anti discrimination bill that covers hindi lang LGBT kundi pati ‘yung religion pati social economic class,” sabi ni Aquino.
Aminado si Aquino na sa ngayon ay walang partikular na ahensiya na nakatuon lamang para sa LGBT community.
Mahalaga rin aniyang walang nadi-discriminate sa bansa lalo pa’t mayroong batas tungkol dito.
- Latest